پشتونخوامیپ کا 3اگست کو انتخابات میں دھاندلی کیخلاف بلوچستانبھر میں احتجاجی مظاہروں کا اعلان

پشتونخوامیپ کا 3اگست کو انتخابات میں دھاندلی کیخلاف بلوچستانبھر میں احتجاجی مظاہروں کا اعلان

• July 31, 2018, 11:10 pm
• National News
• 135 Views

کوئٹہ(پ ر)پشتونخواملی عوامی پارٹی کے مرکزی سیکرٹریٹ کے پریس ریلیز میں کہا گیا کہ حالیہ عام انتخابات میں اسٹیبلشمنٹ کی واضح مداخلت تاریخ کی بدترین دھاندلی کے خلاف 3 اگست بروز جمعہ کوئٹہ سمیت تمام ڈسٹرکٹ ہیڈکوارٹرز میں بھرپور احتجاجی مظاہرے اور جلسہ منعقد ہونگے۔ جبکہ پارٹی کے مرکزی سیکرٹریٹ کوئٹہ سے شام چار بجے احتجاجی مظاہرہ روانہ ہوگا۔ بیان میں عوام سے پرزور اپیل کی گئی ہے کہ وہ انتخابات میں اسٹیبلشمنٹ کی واضح مداخلت اور دھاندلی کے خلاف احتجاجی مظاہروں اور جلسوں میں بھرپور شرکت کرکے جمہوریت کا ساتھ دیں اور پارٹی کارکنوں کو ہدایت کی گئی ہے کہ احتجاجی مظاہروں کی کامیابی کے لئے دن رات محنت کریں ۔بیان میں کہا گیا ہے کہ اسٹبلشمنٹ نے الیکشن کمیشن سمیت ڈی آر اوز ، آراوز اور پرائیزیڈنگ آفیسروں سمیت تمام انتخابی عملے کے اختیارات کو ہائی جیک کر کے اپنے مخصوص اور پسند کے امیدواروں کے حق میں پولنگ سٹیشنز چلائیں اور ان کے پسند کے امیدواروں کے مقابلے میں ہمارے امیدواروں کے ووٹروں کو ووٹ ڈالنے نہیں دیا گیا بلکہ اپنی پسند کے امیدواروں کے حق میں ووٹروں سے ووٹ چھین کر خود ڈالتے رہے اور پولنگ کے اختتام پر ہر علاقے کے پولنگ سٹیشنوں پر ہمارے پولنگ ایجنٹوں کو نکال کر مرضی کے نتائج مرتب کےئے ۔ اور مختلف قومی وصوبائی حلقوں میں ایسے لا تعداد پولنگ سٹیشن کی نشاندہی کرچکے ہیں جس پر دن دہاڑے سرعام ٹھپے لگائیں گئے اور اسٹیبلشمنٹ کی طرف سے ا س کھلی مداخلت اور عوام کے خلاف جارحیت کی ناقابل تردید ثبوت موجود ہیں۔بیان میں کہا گیاہے کہ اسٹیبلشمنٹ کی جانب سے ان عام انتخابات میں سرعام بدترین مدااخلت اور اس کے نتیجے میں ہونیوالے دھاندلی نے ملکی بحرانوں میں مزید اضافہ کردیا ہے اور ان نام نہاد انتخابات کے ذریعے ملک کے عوام کی کوئی بھی خدمت اور ترقی ممکن نہیں۔ کیونکہ منتخب ہونیوالے نمائندوں کو خود پر اب بھی یہ یقین نہیں آرہا کہ وہ درحقیقت جیت چکے ہیں۔بیان میں کہا گیا ہے کہ ملک کے مکمل اکثریت کی جمہوری پارٹیوں نے ان انتخابات کو دھاندلی پر مبنی قرار دیکر درحقیقت الیکشن کمیشن کی جانبداری نااہلی اور سیکورٹی کے نام پر اسٹیبلشمنٹ کی جانب سے ان کے تمام اختیارات کے استعمال کے راز سے پردہ اٹھا دیا ہے اور اب ملکی پرنٹ اور الیکٹرونک میڈیا میں سخت ترین سنسرشپ لاگو کرنے کا مقصدبھی اس بدترین عوام دشمن دھاندلی کو چھپانے کی ناکام کوشش ہے ۔بیان میں کہا گیا ہے کہ انہوں نے کہا کہ حقیقی جمہوری قوتیں ، طلباء ، مزدور ، تاجر ،دانشور اور سول سوسائٹی سمیت تمام ملکر عوام کی حق حکمرانی کے خلاف اس سازش کو ناکام بنانے کیلئے آواز بلند کرے اور پرنٹ والیکٹرونک میڈیا پر مسلط غیر قانونی سنسر شپ ختم کرانے میں اپنا قومی کردار ادا کرے۔