صدر پاکستان کا انتخاب بلوچستان سے کیا جائے،حافظ حسین احمد

صدر پاکستان کا انتخاب بلوچستان سے کیا جائے،حافظ حسین احمد

• August 24, 2018, 11:07 pm
• National News
• 120 Views

کوئٹہ( پ ر) جمعیت علمائے اسلام کے مرکزی ترجمان اور متحدہ مجلس عمل کی رابطہ کمیٹی کے سربراہ حافظ حسین احمد نے کہا ہے کہ حالیہ صدارتی انتخاب میں 70سال کے بعد اب صدر پاکستان کو صوبہ بلوچستان سے منتخب کیا جائے تاکہ صوبے میں 70سال سے جاری احساس محرومی کا خاتمہ ممکن ہوسکے۔ وہ جمعہ کو اپنی رہائشگاہ جامعہ مطلع العلوم میں مبارکپور تحصیل ٹھل جیکب آباد سندھ سے آئے ہوئے مختلف وفود سے گفتگو کررہے تھے، وفد میں حافظ محمد عثمان بھٹو، ابوبکر عباسی، علی جان، میر علی نواز بھٹو، بخش علی بھٹو اور دیگر شامل تھے، حافظ حسین احمد نے کہا کہ 70سالہ طویل عرصہ بلوچستان مسلسل شعوری طورپر ’’وفاق‘‘ کے ’’نفاق‘‘ کا شکار رہا جبکہ ’’لیپا پوتی‘‘ کے ذریعے ہمیں ’’لولی پوپ‘‘ ملتے رہے جبکہ تازہ لولی پوپ ہمیں ’’باپ‘‘ کے روپ میں عطا کیا گیا اب دیکھتے ہیں کہ اس کے بعد ’’انجام بلوچستان‘‘ کیا ہوگا، جمعیت کے رہنما نے کہا کہ اب بلوچستان کے حوالے سے غلطی کی کوئی گنجائش نہیں اور مزید کوئی ’’زورآوری‘‘ معاملات کو ’’نوریٹرن‘‘ پر پہنچا سکتا ہے۔