کالعدم تنظیم بی ایل اے کاایک دہشتگرد گرفتار

کالعدم تنظیم بی ایل اے کاایک دہشتگرد گرفتار

• May 12, 2015, 8:38 pm
• National News
• 77 Views

کوئٹہ ( آئی این پی ) فرنٹیئرکوربلوچستان کی خفیہ اطلاع پر قلات کے علاقے جوہان روڈپر کارروائی، کارروائی کے دوران کالعدم تنظیم بی ایل اے کاایک دہشتگرد گرفتار۔ دوسری کارروائی میں ایف سی نے چاغی کے علاقے شیبان میں 30کلوگرام سے زائدمنشیات کاکیمیکل برآمدکرلیا۔جبکہ حب میں لیڈاچیک پوسٹ پر کارروائی کرتے ہوئے غیرقانونی ڈیزل کی اسمگلنگ ناکام بناتے ہوئے 16000لیٹرایرانی ڈیزل قبضے میں لے لیا۔تفصیلات کے مطابق فرنٹیئرکوربلوچستان نے خفیہ اطلاع پرقلات کے علاقے جوہان میں کارروائی کرتے ہوئے کالعدم تنظیم بی ایل اے سے تعلق رکھنے والے ایک دہشتگردکو گرفتار کرلیا،گرفتاردہشتگرد سے مزید تفتیش جاری ہے۔دوسری کارروائی میں ایف سی نے چاغی کے علاقے شیبان میں 30کلوگرام سے زائد منشیات کاکیمیکل برآمد کرلیا۔جبکہ ایک اور کارروائی میں ایف سی نے حب میں لیڈا چیک پوسٹ پر غیرقانونی ڈیزل اسمگلنگ کی کوشش ناکام بناتے ہوئے مسافر کوچوں سے 16000ایرانی ڈیزل قبضے میں لے کر کسٹم حکام کے حوالے کردیا۔