پولیس کے جوانوں نے ملک و قوم کیلئے جانوں کا نذرانہ دیا،آئی جی

پولیس کے جوانوں نے ملک و قوم کیلئے جانوں کا نذرانہ دیا،آئی جی

• May 27, 2018, 5:17 pm
• National News
• 219 Views

کوئٹہ (این این آئی)آئی جی پولیس بلوچستان معظم جاہ انصاری نے کہا ہے کہ پولیس کے شہدا ءفورس کے ماتھے کا جھومر ہیں ،پولیس کے افسران اور جوانوں نے ملک اور قوم کیلئے جانوں کا نذرانہ دیا، ہمیں ان پر فخر ہے ، یہ بات انہوں نے پولیس لائن کوئٹہ میں اپنی جانب سے پولیس کے شہداء کے خاندانوں کے اعزاز میں دئیے گئے افطار ڈنر سے خطاب کرتے ہوئے کہی،افطار ڈنر میں پولیس کے شہدا کے رشتہ داروں نے بڑی تعداد میں شرکت کی ،آئی جی پولیس بلوچستان معظم جاہ انصاری نے کہا کہ ہم شہدا کے خاندانوں کی قدر کرتے ہیں یہ ہمارا ہی گھرانہ ہے ،پولیس کے جوانوں اور آفیسران نے اپنی جان دیکر ہمیں تحفظ کا احساس دلایا ،آئی جی پولیس نے کہا کہ ہم شہداء کو بھول نہیں سکتے،ان کے خاندانوں کیلئے جو کچھ ہوسکا کریں گے،انہوں نے بتایا کہ رمضان المبارک کے دوران پولیس کے شہدا کے گھرانوں میں راشن بھجوایا گیا ہے جو دوردراز علاقوں کے شہدا ءہیں ان کے خاندانوں کو راشن کیلئے رقم بھجوائی گئی ہے ۔