بنیادی سہولیات کی فراہمی ہر انسان کا حق ہے ، ایچ ڈی پی

بنیادی سہولیات کی فراہمی ہر انسان کا حق ہے ، ایچ ڈی پی

• July 5, 2018, 10:26 pm
• National News
• 122 Views

کوئٹہ (پ ر)ہزارہ ڈیموکریٹک پارٹی کے چیئرمین ونامزد امیدوار برائے قومی اسمبلی این اے 265،صوبائی اسمبلی پی بی 27،جنرل سیکریٹری و نامزد امیدوار پی بی 26،مرکزی سیکریٹری اطلاعات و نامزد امیدوار برائے قومی اسمبلی این اے 264،پارٹی کے دیگر مرکزی رہنماؤں محمدر ضا وکیل،عزیز اللہ ہزارہ،عصمت یاری،ڈاکٹر اصغر علی چنگیزی،قادر علی،اختر حسین ہزارہ،ساحل ہزارہ،بوستان علی کشتمند،مرزا حسین ہزارہ اور دیگر رہنماؤں نے مختلف کارنر میٹنگوں اور عوامی اجتماعات سے خطاب کرتے ہوئے کہاکہ پارٹی کوئٹہ شہر سے نفرتوں کا مکمل خاتمہ کرکے دم لے گی۔ہماری تقسیم کے عمل میں مصروف عناصر مصنوعی نفرت آمیز وقتی اشتعال انگیزی کے ذریعے تعصبات پھیلانے کیلئے دن رات مصروف عمل ہیں۔مگر ہم ہر طرح کی سازشوں کو ناکامی سے دوچار کرکے عوام کے درمیان قومی،قبائلی سطح پر روابط کو مزید مستحکم بنائیں گے۔اس دوران پی بی 27محلہ حاجی احمد کے معززین حاجی سرور،عزیز اللہ،عبدالحسین،محمد ہادی،احمد علی،ابرار حسین،اہلیان فقیر محمد روڈ سے گل محمد،صوبیدار ،سید ہاشم،نوروز،سید حوالدار اور آغل و محلہ مغل کے رہائشیوں جبکہ پی بی 26اور این اے 264کیلئے پارٹی امیدواروں کی حمایت کیلئے کلی رئیسانی اور علی آباد کے رہائشیوں نے پارٹی امیدواروں کی حمایت کیلئے اجتماعات کا انعقاد کرکے مکمل حمایت و تعاون کی یقین دہانی کرائی۔پارٹی رہنماؤں نے کہا کہ ایچ ڈی پی نے ہمیشہ عوام کی حمایت اور تعاون پر بھروسہ کرکے اپنی سیاسی حکمت عملی وضع کی ہے اور عوام کی بنیادی ضروریات کے حصول اور اسکی فراہمی کو ممکن بنانے کیلئے ہمیشہ متحرک کردار ادا کرتی رہی ہے۔ہم چاہتے ہیں کہ عوام کی بنیادی ضروریات پانی،تعلیم اور صحت کی فراہمی کو ہر طرح سے ممکن بنائیں۔اس وقت کوئٹہ کے شہریوں کو بدترین پانی کی کامی کا مسئلہ درپیش ہے۔کئی دہائیوں قبل بنائے گئے ٹیوب ویل یا توخشک ہوئے ہیں یا وہاں پانی کی سطح انتہائی حد تک نیچے گر گئی ہے ہماری اولین ترجیح پانی کی فراہمی کو ممکن بنانا ہے اس کیلئے ہم ہمیشہ سے جدوجہد کر رہے ہیں اور عوام کو پانی کی فراہمی کیلئے ٹھوس اور موثر پلاننگ پارٹی کی ترجیحات کا حصہ ہے۔مقررین نے کہا کہ نوجوانوں کا کردار معاشرے کی ترقی کیلئے بنیادی اہمیت کا حامل ہے۔مگر ہمارے نوجوان اپنے بنیادی ضروریات سے محرومی کا شکار رہ کر بے مقصدیت کی طرف جارہے ہیں۔ہماری ذمہ داری بنتی ہے کہ نوجوان نسل کو بامعنی اور بامقصد زندگی کی طرف لے جانے کیلئے انہیں مثبت پروگرام دیں انہیں قومی و اجتماعی معاملات میں حصہ دار بناکر معاشرے اور قوم کیلئے ایک بہترین قوت کی تشکیل کریں۔ہمارے نوجوان زندگی کے تمام شعبوں میں صلاحیتوں سے مالا مال ہیں۔ہم کھیل،تعلیم اور دیگر شعبوں میں نوجوانوں کو آگے لانا چاہتے ہیں۔اس وقت ضروری ہے کہ نوجوان نسل بھی عملی طور پر میدان میں اترے اور انتخابی عمل کا حصہ بن کر حقیقی قیادت کے انتخاب میں کردار ادا کرین۔مقررین نے کہاکہ بنیادی انسانی ضروریات کی فراہمی انسانی حقوق کا حصہ ہے۔ہم چاہتے ہیں کہ خواتین کو معاشرے میں برابری کا مقام دیکر انہیں قومی و اجتماعی معاملات میں اس طرح حصہ دار بنائیں کہ وہ فیصلہ سازی کے عمل کا حصہ بنیں۔بعض عناصر ہمیشہ سے خواتین کو انکے بنیادی حقوق سے محروم رکھنے کے خواہش مند رہے ہیں اور انہوں نے یہ کوشش کی ہے کہ خواتین اجتماعی قومی و عوامی معاملات سے دور رہیں تاکہ زندگی کے مختلف شعبوں میں خواتین کے حقوق کے حوالے سے کسی طرح کی پیش رفت نہ ہوسکیں۔پارٹی سمجھتی ہے کہ خواتین کو عزت و احترام دیگر انہیں قومی معاملات میں آگے لایا جائے۔پارٹی کے قائدین نے اس دوران مختلف مقامات پر معتبرین و معززین سے ملاقاتوں کا سلسلہ جاری رکھا اور انکی طرف سے بھر پور تاکید و حمایت حاصل کی۔